Հայաստանի ազգային անվտանգության խորհրդրի քարտուղար Արթուր Բաղդասարյանը հուլիսի 19-ին հանդիպել է Եվրոպական հանձնաժողովի արտաքին հարաբերությունների գլխավոր դեպարտամենտի Արեւելյան Եվրոպայի, Հարավային Կովկասի եւ Կենտրոնական Ասիայի երկրների հարցերով տնօրեն Գունար Վիգանդին:
Ինչպես NEWS.am-ը տեղեկանում է ԱԱԽ քարտուղարի մամուլի ծառայությունից, հանդիպման ընթացքում զրուցակիցները շոշափել են Հայաստանի Եվրամիության հետ ասոցացման համաձայնագիր ստորագրելու բանակցություններին վերաբերող հարցեր: «Հայաստանը ձգտում է խորացնել բազմակողմ համագործակցությունը ԵՄ-ի հետ»,- վստահեցրել է Ա. Բաղդասարյանը, միաժամանակ ընդգծելով արդարադատության, ազատությունների եւ անվտանգության հարցերով ենթահանձնաժողով ստեղծելու կարեւորությունը:
Կողմերը համաձայնել են, որ ասոցացման համաձայնագրին զուգահեռ անհրաժեշտ է կնքել նաեւ ազատ առեւտրի վերաբերյալ բազմակողմ համաձայնագիր, որը կնպաստի Հայաստանի եւ ԵՄ-ի միջեւ կայուն տնտեսական զարգացմանը:
Գունար Վիգանդը դրական է գնահատել վիզաների տրամադրման հարցում ձեռքբերված առաջընթացը:
Հանդիպման ժամանակ քննարկվել են նաեւ Հայաստանի ներդրումային դաշտի բարելավմանը, ինչպես նաեւ ասոցացման համաձայնագրի իրականացման համար բարձրակարգ կարդերի նախապատրաստմանը վերաբերող հարցեր:
ЕС и восточное партнерс тво