Վարչապետ Հովիկ Աբրահամյանի օգնականը նշանակվել է փոխհյուպատոս: NEWS.am-ի տեղեկություններով՝ Հովիկ Աբրահամյանի օգնական Վալերի Մկրտումյանը նշանակվել է Լոս Անջելեսում փոխհյուպատոս:
Նշենք, որ Վալերի Մկրտումյանը ԱԳՆ-ում աշխատում է 1992թ: Նա եղել է արտգործնախարարության միջազգային կազմակերպությունների վարչության պետ, Բրազիլիայի Սան Պաուլո քաղաքում Հայաստանի գլխավոր հյուպատոս, Կանադայում Հայաստանի գործերի հավատարմատար, Լոս Անջելեսում գլխավոր հյուպատոս, ղեկավարել է արտգործնախարարության Եվրոպայի եւ Ամերիկայի վարչությունները: Վերջինս ԱԳՆ-ից Աժ էր եկել Հովիկ Աբրահամյանի օրոք, այնուհետեւ կարճ ժամանակ ԱԺ նախագահ եղած Սամվել Նիկոյանը չէր երկարաձգել նրա հետ պայմանագիրը: Վարչապետ նշանակվելուց հետո Աբրահամյանը Մկրտումյանին տարել էր իրեն օգնական: