Ոստիկանության Երեւան քաղաքի վարչության ՊՊԾ գնդի 4-րդ վաշտի ծառայողները Երեւանի Սեբաստիա եւ Րաֆֆու փողոցների խաչմերուկից, «ՎԱԶ-2106» մակնիշի ավտոմեքենայով, ոստիկանության Մալաթիայի բաժին բերման են ենթարկել նշված ավտոմեքենայի վարորդ` 1995 թ. ծնված Գուրգեն Հ.-ին, ուղեւորներ` 1989 թ. ծնված Հովիկ Մ.-ին եւ 1988 թ. ծնված Վանիկ Բ.-ին:
Ոստիկանության մամուլի ծառայությունից հայտնում են, որ ավտոմեքենայի զննությամբ հայտնաբերվել են տարբեր տեսակի եւ չափերի էլեկտրական 5 շարժիչներ, որոնք ըստ բերման ենթարկվածների խոստովանական բացատրությունների` գողացել են Վայոց ձորի մարզի Մալիշկա գյուղին հարակից տարածքում գտնվող մի կազմակերպության բետոնե կոնստրուկցյաների արտադրամասի շինությունից:
Գուրգեն Հ.-ն, Հովիկ Մ.-ն եւ Վանիկ Բ.-ն՝ նախապատրաստված նյութերով, եւ գողոնի հետ միասին, հանձնվել են ոստիկանության Եղեգնաձորի բաժին` տարածքային ենթակայության կարգով հետագա ընթացքը որոշելու:
Կատարվում է հետաքննություն:
