Կառավարությունն ուզում է արտոնություններ ընդունել խոշոր արտահանողների համար, իսկ իրականում Հայաստանից արտահանումը նվազում է: Այս մասին, այսօր՝ փետրվարի 25-ին, ԱԺ-ում հայտարարել է ՀԱԿ խմբակցության պատգամավոր, նախկին վարչապետ Հրանտ Բագրատյանը:
«Երբ մենք անդամակցեցինք ԵՏՄ-ին, իշխանությունները հայտարարեցին, որ մեզ մոտ կաճի արտահանումը, այդ թվում Ռուսաստան, իսկ ի՞նչ ունենք դրա փոխարեն: Դրա փոխարեն 2015-ի հունվարին մեզ մոտ արտահանումը նվազել է 35 տոկոսով: Բա ո՞ւր է ԵՏՄ-ից ստացած շահը: Հիմա էլ փոխանակ սովորական ձեռնարկություններին օգնելու, դուք ուզում եք, որ հայտնվի մեկ արտահանող, որը կխլի բոլոր մնացածների հնարավորությունները»: