Հայաստանի ազգային հավաքականի ամենախոստումնալից երիտասարդներից մեկը՝ 20-ամյա Արտյոմ Սիմոնյանն օրերս պետերբուրգյան «Զենիթից» տեղափոխվեց շվեյցարական «Ցյուրիխ»: Թե շվեյցարական ակումբի ո՞ր թիմում է հանդես գալու և թե ո՞վ նպաստեց պայմանագրի կայացմանը ֆուտբոլիստը պատմեց NEWS.am-ի թղթակից Վերա Մարտիրոսյանի հետ զրույցում:
Արտյոմ, «Ցյուրիխ» տեղափոխվելդ կապվա՞ծ էր Արթուր Պետրոսյանի այնտեղ աշխատելու հանգամանքի հետ:
Ինձ շատ օգնեցին ՖԻՖԱ-ի գործակալներ` Արկադի և Արթուր Վասիլյանները: Ունեինք մի քանի տարբերակներ, բայց, երբ առաջ եկավ «Ցյուրիխի» տարբերակը միանգամից կանգնեցինք դրա վրա և պայմանագիր կքնեցինք: «Ցուրիխն» ինձ գնեց «Զենիթից»:
Ուրիշ ի՞նչ տարբերակներ կային:
Հիմնական տարբերակները Շվեյցարիայից ու Բելգիայից էին, կային նաև մի քանի այլ առաջնությունների թիմեր, բայց «Ցյուրիխի» առաջարկից հետո միանգամից դա ընտրեցինք:
Հանդես ես գալու Արթուր Պետրոսյանի մո՞տ` երիտասարդական կազմում, թե՞ «Ցյուրիխի» հիմնական կազմում:
Մինչև ամառ հանդես կգամ «Ցյուրիխ Մ21»-ում` Արթուր Պետրոսյանի մոտ: Կանեմ հնարավոր ամեն բան, որպեսզի ամառը հայտնվեմ հիմնական կազմում:
Ի՞նչ ես կարծում, ո՞ր առաջնությունն է ավելի ուժեղ` Շվեյցարիայի՞նը, թե՞ Ռուսաստանի Պրեմիեր լիգան:
Ինձ դժվար է ասել, քանի - որ բարձրագույն խմբում ոչ մի խաղ չեմ անցկացրել` ո'չ «Ցյուրիխի», ո´չ «Զենիթի» կազմում: Կարծում եմ՝ միշտ պետք է նայել եվրագավաթների արդյունքներին: Ռուսաստանից ՉԼ-ին մասնակցում են երկու թիմ, Շվեյցարիայից՝ մեկ, բայց «Բազելը» կարողացավ դուրս գալ շատ ուժեղ խմբից, իսկ ԲԿՄԱ-ն՝ ոչ: Եվրոպայի լիգայում հանդես են գալու «Զենիթն» ու «Դինամոն», իսկ Շվեյցարիայից միայն «Յանգ Բոյզը»: Ցավոք «Ցյուրիխն» այս տարի չկարողացավ դուրս գալ խմբից:
Վերա Մարտիրոսյան/ Vera&Football