13 մլն տարի առաջ ներկայիս Պերուի հյուսիս-արեւելքում ճահճային ավազաններում հնագույն կոկորդիլոսների միանգամից 7 տեսակ է բնակվել: Այս մասին են վկայում հայտնաբերված գերեզմաններում անցկացված տասնամյա հետազոտության արդյունքները:
Vesti-ի փոխանցմամբ, «կոկորդիլոսների գերեզմանատան» տարածքում նաեւ Pebas paleosuchus տեսակի ներկայացուցիչ է հայտնաբերվել: Այն նման է ժամանակակից հարթաճակատ կայմանին: Նրա երախն ավելի շատ հարմար է տարբեր ձկների եւ այլ ողնաշարավորների որսի համար:
Ներկայում Ամազոնի ավազանի ամբողջ տարածքում 6 տեսակի կոկորդիլոսներ եւ կայմաններ են բնակվում, սակայն մեկ շրջանում՝ 3 տեսակից ոչ ավելի:
