2013 թվականի ապրիլին Բոսթոնի մարաթոնի ժամանակ ահաբեկչություն իրականացրած Ջոհար Ցարնաեւի գործով դատական նիստը տեղի կունենա մարտի 4-ին: Այս մասին Twitter-ում հաղորդել է ԱՄՆ Մասաչուսեթսի նահանգի դատախազությունը:
«Ցարնաեւի գործով դատավարությունը կսկսվի մարտի 4-ին, Բոսթոնում»,-ասված է դատախազության հաղորդագրությունում, հաղորդում է Gazeta-ն:
Ավելի վաղ հայտնի էր դարձել, որ կասկածյալի փաստաբանները կրկին դիմելու են դատարանին՝ խնդրելով քննությունը Մասաչուսթսի նահանգից տեղափոխել, քանի որ, իրենց կարծիքով, անաչառություն չի կարող լինել մի նահանգում, որտեղ տեղի է ունեցել ահաբեկչությունը: