Առնվազն 16 մարդ է զոհվել, ավելի քան 30-ը վիրավորվել Ֆիլիպինների հարավում կառավարական բանակի եւ «Աբու Սայաֆ» խմբավորման ծայրահեղականների միջեւ 2 օր շարունակվող բախումների հետեւանքով։ Այս մասին հայտնել է Ֆիլիպինների ԶՈՒ ներկայացուցիչ փոխգնդապետ Հարոլդ Հաբունոկը։
Նրա խոսքով՝ հարավային Սուլու նահանգի Պատիկուլ բնակավայրում չորեքշաբթի կատաղի փոխհրաձգություն է սկսվել այն բաից հետո, երբ կառավարական բանակը այնտեղ 300 իսլամիստ է հայտնաբերել։ Բախումների հետեւանքով զոհվել է 2 զինծառայող, եւս 14-ը վիրավորվել են։ Ծայրահեղականները տվել են 14 զոհ եւ 19 վիրավոր։ Այս պահին բանակը մարտական օդուժի օգնությամբ շարունակում է հետապնդել գրոհայիններին, գրում է ՏԱՍՍ-ը։