Դավթաշենում կառուցվող Օլիմպիական կենտրոնի հարեւանությամբ հայտնաբերված դիակի ինքնությունը պարզվել է: NEWS.am-ին ոստիկանության լրատվական ծառայությունից հայտնեցին, որ հայտնաբերվել է 40-ամյա Տիգրան Սարիբեկյանի դին: Նախնական տեղեկություններով՝ նա հանկարծամահ է եղել: Տղամարդը չունի մշտական բնակության վայր, թափառական էր, իսկ երեկ էլ նրան տեսել են ոչ սթափ վիճակում:
Բանն այն է, որ նրան հայտնաբերել են սեղանին հենված, ձեռքի եւ դեմքի շրջանում վնասվածքներ են եղել, ինչից էլ ականատեսները եզրակացրել են, թե մահացածը դանակահարված է եղել: Մինչդեռ հնարավոր է՝ տղամարդուն ինչ-որ կենդանի է վնասել, օրինակ՝ առնետներն են կրծել:
Ավելի վաղ հայտնել էինք, ոև Դավթաշենում կառուցվող Օլիմպիական կենտրոնի մոտ փետրվարի 26-ին, հայտնաբերվել է տղամարդու դիակ :NEWS.am-ին հաջողվել է պարզել, որ այժմ տարածքում հավաքված են մեծաթիվ ոստիկաններ:
Ասում են՝ դիակը հայտնաբերվել է օլիմպիական ավանին կից կրպակում, նախնական տեղեկություններով՝ այն դանակահարված է: