Հայաստանի արդարադատության փոխնախարար Սուրեն Քրմոյանը ներկա է գտնվել թագուհի Եղիսաբեթ 2-րդի եւ Էդինբուրգի հերցոգի կազմակերպած ընդունելությանը։ Ընդունելությունը նվիրված էր Ազատությունների մեծ կանոնադրության հրատարակության 800-ամյակին։ Այս մասին հայտնում է Հայաստանում Մեծ Բրիտանիայի դեսպանատան ֆեյսբուքյան էջը։
Ազատությունների մեծ կանոնադրությունը կազմվել է 1215թ. հունիսին թագավոր Հովհաննես Անհողինի հանդեպ անգլիական վերնախավի ներկայացրած պահանջների հիման վրա եւ պաշտպանում էր միջնադարյան Անգլիայի ազատ բնակչության իրավաբանական իրավունքներն ու արտոնությունները։