«Հիմնադիր խորհրդարանի» հաջորդ միջոցառումը կլինի մարտի 7-ին: Այս մասին NEWS.am-ի թղթակցի հետ զրույցում ասաց «Հիմնադիր խորհրդարանի» անդամ Վարուժան Ավետիսյանը:
Նա նշեց, որ այդ օրը, ժամը 9.00-ին, Երեւանի «Պրոֆալ» ընկերության հարակից հատվածից նախատեսվում է մեծ ավտոերթ Գյումրի:
Նշենք, որ «100-ամյակը առանց ռեժիմի» շարժումը Ժիրայր Սէֆիլյանի գլխավորությամբ կազմակերպում է ավտոերթեր՝ ռեժիմին հեռացնելու եւ դրանից հետո նոր որակի հայկական պետություն կառուցելու ծրագրի մասին մեր ժողովրդին իրազեկելու եւ համախմբելու նպատակով: Մինչ օրս ավտոերթեր են անցկացվել Արմավիրի, Արարատի, Կոտայքի, Արագածոտնի, Սյունիքի մարզերում եւ Երեւանում: Հունվարի 31-ին դեպի Արցախ ավտոերթը խափանվեց Բերձորում: