ԲՀԿ-ն պետք է ինքնուրույն որոշում ընդունի, եւ ոչ ոք չպետք է խանգարի նրան այդ մտորումների ժամանակ: Այս մասին, այսօր՝ փետրվարի 27-ին, ԱԺ-ում ճեպազրույցների ժամանակ հայտարարել է ՀԱԿ խմբակցության ղեկավար Լեւոն Զուրաբյանը:
«Նրանք ուզում են լուծել իրենց համար կարեւոր հարցեր, եւ պետք չէ այդ ժամանակ իրենց խանգարել: ԲՀԿ-ն առանց այդ էլ ընդունել եւ ընդունում է շատ հարվածներ»,-հավելել է Զուրաբյանը:
Նրա խոսքով՝ ՀԱԿ-ը պատրաստ է համագործակցել ԲՀԿ-ի հետ, եթե վերջինս պահպանի պայքարի այն էներգիան ու ոգին, որը ցուցադրել է վերջին ամիսներին:
Հիշեցնենք, որ մարտի 5-ին տեղի է ունենալու ԲՀԿ արտահերթ համագումարը, որտեղ համաձայն շրջանառվող տեղեկությունների, Գագիկ Ծառուկյանը կհայտարարի կուսակցության առաջնորդի պաշտոնը թողնելու մասին:
