ՌԴ Մոստովսկոյե շրջանում 43-ամյա կինը մարմնի 85 տոկոսը այրվելու հետեւանքով մահացել է։ Այս մասին գրում է «Մոսկովսկի կոմսոմոլեց»-ը։ Ոստիկանության տեղեկություններով՝ մարմնական վնասվածքները կնոջը հասցրել է նրա ամուսինը։
Իրավապահների հաղորդմամբ՝ կինը ապրում էր 45-ամյա ամուսնու եւ անչափահաս որդու հետ։
Ինչպես պարզել է հետաքննությունը, հունվարի 25-ին տղամարդը տուն է վերադարձել հարբած, ինչի պատճառով ամուսինների մեջ վեճ է ծագել։ Տղամարդը դուրս է եկել փողոց, տնտեսական շինությունից վերցրել բենզինով լի տարան եւ լցնելով կնոջ վրա՝ այրել։
Արդյունքում՝ տղամարդն ինքը այրվածքներով տեղափոխվել էր հիվանդանոց։ Կինը 5 օր անց ստացած այրվածքներից մահացել էր։
Այս պահին կասկածյալը ձերբակալված է։ Հարուցվել է քրեական գործ։ Հետաքննությունը շարունակվում է։
