10 մարդ սպանվել է, եւս 9-ը մարմնական վնասվածքներ են ստացել Հնդկաստանում, վայրի փղերի հարձակման հետեւանքով։ Տասնյակ փղեր հարձակումը գործել են Հնդկական Արեւմտյան Բենգալիա նահանգի Բարջորա եւ Բելիատոր քաղաքների վրա։ Ականատեսների վկայությամբ, փղերի քանակը եղել է 70-ից ոչ պակաս, հաղորդում է NTDTV-ն։
Անտառային տնտեսության վարչության տվյալներով, վերջին երկու ամիսներին Արեւմտյան Բենգալիայում փղերի հարձակումները հաճախակիացել են։ Կենդանիները հարձակվել են 100 բնակավայրերի վրա՝ ոչնչացնելով դաշտերն ու բանանի պլանտացիաները։ Հնդկաստանում փղեր ապրում են հարավում եւ հյուսիս-արեւելքում։ 20-րդ դարավերջին դրանց թիվը կտրուկ նվազել է գյուղատնտեսության զարգացման պատճառով։ Անտառների հատումը նրանց զրկում է ուտելիքից, եւ սոված կենդանիները հարձակումներ են գործում։