ՊԲ հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում մահացու հրազենային վիրավորում ստացած 19-ամյա Ալբերտ Էմիլի Սաֆարյանը Երեւանից է: Այս մասին հայտնեցին NEWS.am-ի աղբյուրները:
Մեր տեղեկություններով՝ նա բնակվում է Նոր Նորք վարչական շրջանում: Նա զորակոչվել էր բանակ 2014թ գարնանը: Վնասվածքը եղել է դեմքի շրջանում: Մեր տեղեկություններով՝ առաջիկայում դեպքի առթիվ կհարուցվի քրեական գործ ինքնասպանության հատկանիշներով:
Ավելի վաղ հայտնել էինք, որ փետրվարի 27-ին՝ ժամը 20:40-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում մահացու հրազենային վիրավորում է ստացել զինծառայող, 19-ամյա Ալբերտ Էմիլի Սաֆարյանը: ԼՂՀ ՊՆ մամուլի ծառայությունից հայտնում են, որ դեպքի մանրամասները պարզելու համար կատարվում է քննություն:
