Փետրվարի 28-ին, մոսկվայի կենտրոնում սպանված ընդդիմադիր քաղաքական գործիչ Բորիս Նեմցովին կհուղարկավորեն Մոսկվայում: Այս մասին հայտնել է նեմցովի նախկին մամուլի քարտուղար եւ ընկեր Ալեքսանդր Կոտյուսովը:
«Նեմցովին կթաղեն Մոսկվայում, թե կոնկրետ որ գերեզմանատանը, հիմա որոշում են հարազատները»,-հայտնել է Կոտյուսովը՝ վկայակոչելով Նեմցովի կնոջը՝ Իրինա Նեմցովին, հաղորդում է ՏԱՍՍ-ը:
Հիշեցնենք, որ Մոսկվայի Մեծ Մոսկվորեցկի կամրջի վրա փետրվարի 28-ի գիշերը գնդակահարել են ռուսաստանցի ընդդիմադիր քաղաքական գործիչ, Բորիս Նեմցովին: 55-ամյա քաղաքական գործչի վրա կրակել են 6 անգամ, որից 4-ը դիպել է նրան: Քաղաքական գործիչը տեղում մահացել է:
Նեմցովը մարտի 1-ին նախատեսված «Գարուն» երթի կազմակերպիչներից մեկն էր: Քննչական կոմիտեն գործ է հարուցել «սպանություն» եւ «զենքի ապօրինի շրջանառություն» հոդվածների հատկանիշներով:
