Բաքվի Շատրվանների հրապարակում ոստիկանությունը ցրել է հաշմանդամների ու ղարաբաղյան պատերազմի մասնակիցների հանրահավաքը:
Ինչպես հաղորդում է haqqin.az-ը, ակցիայի շատ մասնակիցներ ձերբակալվել են: «Ցուցարարների շարքում են ղարաբաղյան պատերազմի վետերաններ, նախկին զինվորականներ ու հաշմանդամներ: Նրանք պահանջում են բարձրացնել թոշակները եւ բարելավել կյանքի պայմանները: Նրանք նաեւ հանդես են գալիս մանաթի արժեզրկումից հետո գների բարձրացման դեմ»,-հայտնում է աղբյուրը:
Բողոքի ակցիայի վայր են ժամանել հատուկ ջոկատայինները եւ ներքին զորքերի ստորաբաժանումները:
Հանրահավաքին մասնակցում է ավելի քան 100 քաղաքացի:
