Լոս Անջելեսի քաղաքային խորհրդի անդամ Փոլ Քրեքորյանը ջանքեր է գործադրում Հայոց ցեղասպանության 100-րդ տարելիցին նվիրված միջոցառումներ կազմակերպելու ուղղությամբ: Լոս Անջելեսի քաղխորհրդում առաջին ամերիկահայը առաջարկներ է արել, որոնք ցույց են տալիս քաղաքի հավատարմությունը մարդու իրավունքներին եւ արդարությությանը:
Ինչպես գրում է «Asbarez» թերթը, Լոս Անջելեսի քաղաքային խորհրդի մեկ այլ անդամ՝ Միթչ Օ' Ֆարելը իր գործընկեր Փոլ Քորեցի հետնույնպես առաջաևկում է ջանքեր գործադրել հասնելու համար նրան, որ Հայոց ցեղասպանության հիշատակի արարողությունները տեղի ունենան ըստ արժանվույն:
Միջոցառումների շարքում նախատեսված են արդարության երթը ապրիլի 24-ին, պաստառների տեղադրումը ողջ քաղաքով մեկ, գեղարվեստական մրցույթների կազմակերպումը, որտեղ հաղթողի կտավը ապրիլին կփակցվեն ավտոբուսներում: Բացի այդ, քաղաքապետարանի ճակատային մասն ապրիլի 24-ին թանաքագույն լուսավորում կունենա, որը Հայոց ցեղասպանության 100-րդ տարելիցի խորհրդանշանի՝ անմոռուկի գույնն է: