Agence France-Presse-ը ներողություն է խնդրել փետրվարի 28-ին թողարկված կեղծ լուրի համար, որը պատմում էր  Bouygues արդյունաբերական հսկա ընկերության ղեկավար Մարտեն Բուիգի մահվան մասին։ Այդ մասին հաղորդում է «ՌԻԱ Նովոստին»։

Գործակալությունը պարզաբանել է, թե սխալը տեղի էր ունեցել, քանի որ գյուղապետն ու լրագրողն իրար սխալ էին հասկացել։

Նշենք, որ Agence France-Presse-ը, վկայակոչելով գյուղապետարանը, հայտնել էր, թե Բուիգը մահացել է փետրվարի 28-ի առավոտյան, Օրն դեպարտամենտում գտնվող իր տանը։