Մոսկվայի կենտրոնում հավաքվում են սպանված Բորիս Նեմցովի հիշատակին նվիրված երթի մասնակիցները։ Մասնակիցների մեծ մասը գալիս է ծաղիկներով, իսկ հավաքման վայրում սգո ժապավեններ եւ ռուսական դրոշի գույներով դրոշակներ են բաժանում, հաղորդում է «Ինտերֆաքսը»։
Անվտանգությունն ապահովում են ոստիկաններ եւ հատուկջոկատայիններ, մերձակա փողոցներում կայանված են ոստիկանական մեքենաները։
Շարասյան դասավորումն ավարտվում է։ Հավաքման վայրում մի քանի հազար մարդ է, հաղորդում է «Դոժդ» հեռուստաալիքը։
Նշենք, որ Բորիս Նեմցովը սպանվել էր փետրվարի 27-ի երեկոյան, Մոսկվայի կենտրոնում։ Սպանության փաստով քրգործ է հարուցվել։
