Պերուի ներքին գործերի նախկին նախարար Դանիել Ուրեստին պաշտոնական մեղադրանք է ներկայացվել 1988թ. լրագրող Հյուգո Բուստիոյի սպանությունը պատվիրելու համար։ Նրան 25 տարվա ազատազրկում է սպառնում։ Նախկին նախարարը նշել է, որ ինքն անմեղ է եւ մեղադրանքների մեջ քաղաքական դրդապատճառներ է տեսնում։
Հյուգո Բուստիոն հետաքննում էր Պերուի լեռնային շրջաններում ապստամբների հետ զինված ընդհարումների ժամանակ մարդու իրավունքների ոտնահարման դեպքերը։ Նրա սպանության մեջ մեղավոր էին ճանաչվել 2 նախկին զինվորական, որոնցից մեկը Ուրեստիին մեղադրել է սպանության մեջ մասնակցելու համար։
Նշենք, որ փետրվարին հրաժարական տված Ուրեստին Պերուի կառավարության ամենահայտնի նախարարներից էր։ Հնարավոր է, նա առաջադրի իր թեկնածությունը 2016թ. նախագահական ընտրություններում։
