Հունաստանը շարունակում է պնդել Եվրամիության եւ միջազգային վարկատուների առջեւ պետության պարտքը մասնակիորեն ներելու անհրաժեշտության մասին։ Այս մասին գրում է Deutsche Welle-ն։
«Ֆինանսական օգնության ծրագիրը 4 ամիս ժամկետով երկարաձգելը հնարավորություն տվեց Աթենքին նորից բարձրացնել Հունաստանի պարտքը ներելու պահանջը։ Մենք հասել ենք բանակցությունների առաջին փուլում մեր առջեւ դրված նպատակներին»,- հայտարարել է երկրի վարչապետ Ալեքսիս Ցիպրասը հեռուստատեսությամբ ունեցած իր ելույթի ժամանակ։
Ըստ նրա՝ Աթենքն այժմ կարող է բանակցություններ վարել վարկային պայմանագրի պայմանների շուրջ առանց շանտաժի։ Ցիպրասի խոսքով՝ Հունաստանը մտադիր է պետական պարտքը ներելու մասին հայտ ներկայացնել իր եվրոպացի գործընկերներին, տեղեկացնում է «Ինտերֆաքս»-ը։
Նախկինում Բեռլինն արդեն մեկ անգամ մերժել էր պարտքի վերակազմավորման Հունաստանի խնդրանքը Այսուհանդերձ, Բունդեսթագը ուրբաթ ձայների մեծամասնությամբ կողմ էր քվեարկել մինչեւ այս տարվա հունիս Հունաստանին տրամադրվող միջազգային ֆինանսական օգնությունը երկարաձգելու հարցին։