Մոսկովյան Կրեմլի պատերի մոտ ռուս ընդդիմադիր քաղաքական գործչի սպանությունը երեւան հանեց Ռուսաստանում հակաարեւմտյան  տրամադրությունները։ Այս մասին գրում է բրիտանական The Telegraph պարբերականը։

Հոդվածագիրը նշում է, որ «ամենահայտնի արեւմտամետ գործչի մարդասպանները ճանաչելի ֆոնը հատուկ էին ընտրել» եւ հավելում է, որ Նեմցովի սպանությունը անհնարին է դարձնում Ռուսաստանի եւ Արեւմուտքի մերձեցումը։

Հիշեցնենք, որ նախօրեին Մոսկվայի կենտրոնում սպանված քաղաքական գործիչ Բորիս Նեմցովի հիշատակին նվիրված սգո երթ էր ընթացել, որին, կազմակերպիչների գնահատմամբ, մասնակցել էր 50 հազար մարդ։ Ոստիկանությունը հայտնում է 21 հազար մասնակցի մասին, գրում է Gazeta-ն։

Հիշեցնենք, որ Բորիս Նեմցովը սպանվել էր փետրվարի 28-ի գիշերը Մոսկվայի կենտրոնում՝ Մեծ Մոսկվորեցկի կամրջի վրա։