Ռուս ընդդիմադիր գործիչ Բորիս Նեմցովի սպանության վկան՝ Աննա Դուրիցկայան, հայտարարել է, որ չի տեսել հանցագործին, քանի որ մեջքով է կանգնած եղել մարդասպանին։
Այս մասին Դուրիցկայան նշել է «Դոժդ» հեռուստաընկերությանը տված հարցազրույցի ժամանակ։
«Ես չգիտեմ, թե որտեղից նա հայտնվեց։ Նա իմ հետեւում էր կանգնած»,- ասել է Դուրիցկայան։ Ըստ Աննայի՝ շրջվելով ինքը տեսել է բաց գույնի ավտոմեքենա։ Դուրիցկայան պատմել է, որ դիմել է ձյուն մաքրող մեքենայի վարորդին՝ խնդրելով զանգահարել ոստիկանություն, որը ժամանել էր 10 րոպեից։ Դրանից հետո Աննային տարել էին բաժանմունք։
Հիշեցնենք, որ Բորիս Նեմցովը սպանվել էր Մոսկվայում՝ Մեծ Մոսկվորեցկի կամրջի վրա, փետրվարի 28-ի գիշերը»:
