Ստեփանակերտի Ս. Հակոբ եկեղեցում, այսօր՝ ժամը 18:30-ին, տեղի կունենա մոմավառություն՝ նվիրված հակառակորդի կողմից ձեռնարկված դիվերսիոն հետախուզական ներթափանցման փորձի հետեւանքով զոհված զինծառայողներ Արտակ Սեդրակի Աղեկյանի եւ Հայկ Գրիգորի Բարոյանի հիշատակին:
Մոմավառությունը նախաձեռնել են տեղի երիտասարդական կառույցների ներկայացուցիչները:
Հիշեցնենք, որ փետրվարի 28-ին՝ ժամը 14:25-¬ի սահմաններում, ՊԲ հյուսիսարեւելյան ուղղությամբ տեղակայված զորամասերից մեկի պահպանության տեղամասի մարտական հենակետերի ուղղությամբ հակառակորդը ձեռնարկել էր դիվերսիոն հետախուզական ներթափանցման փորձ:
ՊԲ առաջապահ ստորաբաժանումները թեեւ ժամանակին հավաստանշել են հակառակորդի հատուկ ջոկատայինների առաջխաղացումը եւ վերջիններիս կորուստներ պատճառելով, հետ շպրտել ելման դիրքեր, բայց ծավալված մարտերի ժամանակ, ցավոք, զոհվել են զինծառայողներ 1979թ. ծնված Արտակ Սեդրակի Աղեկյանը եւ 1995թ. ծնված Հայկ Գրիգորի Բարոյանը: