Ռուսաստանում ձերբակալված 51-ամյա հայ գործարար Խորեն Ղազարյանին պաշտոնապես մեղադրանք է ներկայացվել 41-ամյա կնոջ եւ 9-ամյա աղջկա սպանության գործով։ Այս մասին հատնում է «Մոսկովսկի կոմսոմոլեցը»։ 

Ողբերգությունը տեղի էր ունեցել փետրվարի 14-ի գիշերը Ղազարյանի բնակարանում։ Դեպքի վայր ժամանած փորձագետները պարզել են, որ դանակով հասցված հարվածները քաոտիկ բնույթ են կրում, ինչպես լինում է հանկարծակի բռնկված վեճի ժամանակ, իսկ 9-ամյա աղջիկը սպանվել է որպես պատահական վկա։ Ըստ փորձագետների՝ Ղազարյանը սպանությունից հետո ցնցուղ է ընդունել, նետել արյունոտ դանակը սպասք լվանալու մեքենայի մեջ եւ փակելով դուռը ներսից՝ դուրս է եկել տանիքում տեղակայված ձմեռային այգու միջոցով։ Բոլոր այս գործողությունները թույլ են տալիս ենթադրել, որ մարդասպանը լավ ծանոթ է եղել տանը եւ վստահ է եղել, որ այնտեղ ոչ ոք չկա։

Իրավապահները Ղազարյանի ցուցմունքներում անհամապատասխանություններ են նկատել։  Բացի այդ ստի դետեկտորի ստուգումն անցնելուց հետո մասնագետները եկել են այն եզրակացության, որ հենց Ղազարյանն է սպանել կնոջն ու աղջկան։

Տղամարդուն մեղադրանք է ներկայացվել սպանության համար։