Թաիլանդում շրջանային պաշտոնյաների տեղափոխող ավտոբուսը շրջվել է, որի հետեւանքով զոհվել է 6, վիրավորվել 33 մարդ: Այս մասին հաղորդում է տեղի ոստիկանությունը:
Վթարը տեղի է ունեցել երկրի հյուսիսային Պհիտսանուլոկի նահանգում: Իրավապահ մարմինների փոխանցմամբ՝ վարորդը կորցրել է ավտոբուսի կառավարումը, որտեղ եղել է ավելի քան 50 մարդ: Ավտոբուսը դուրս է եկել ճանապարհից, շրջվել եւ բախվել էլեկտրահաղորդման հենասյանը, հաղորդում է ՏԱՍՍ-ը:
Հաղորդվում է, որ մահացածների թվում է Սուրինի նահանգի շրջաններից մեկի ղեկավարը, որը գլխավորում էր գործարար նպատակներով գործուղման մեկնող պաշտոնյաների պատվիրակությունը:
