Չինաստանում ավտոբուսը գլորվել է ժայռից, որի հետեւանքով մահացել է 20, վիրավորվել 13 մարդ, հաղորդում է «Սինհուան»:
Միջադեպը տեղի է ունեցել մարտի 3-ին, Հենանի նահանգի Լինչժոու քաղաքում: Ավտոբուսում եղել են տեղի օպերային թատրոնի արտիստները: Նշվում է, որ խումբը վարձակալել էր ավտոբուսը, հաղորդում է Gazeta-ն:
2014-ի դեկտեմբերի վերջին նմանատիպ դեպք էր գրանցվել Բրազիլիայում, որտեղ ավտոբուսն ընկել էր անդունդը: Վթարի հետեւանքով զոհվել էր 8, վիրավորվել՝ 23 մարդ: