Հայաստանի վարչապետ Տիգրան Սարգսյանի որոշմամբ Սերգեյ Ազարյանը նշանակվել է ՀՀ արտակարգ իրավիճակների նախարարության Հայաստանի փրկարար ծառայության տնօրեն։ Մինչ այդ նա նույն ծառայության տնօրենի տեղակալն էր:
Ինչպես NEWS.am-ը տեղեկանում է Կառավարության մամուլի ծառայությունից, Տիգրան Սարգսյանի մեկ այլ որոշմամբ Ռուբիկ Հարությունյանը ազատվել է ՀՀ արտակարգ իրավիճակների նախարարի տեղակալի պաշտոնից` իր դիմումի համաձայն։
Նորանշանակ Սերգեյ Ազարյանը Փրկարար ծառայության գնդապետ է։ Պարգևատրվել է «Մարշալ Բաղրամյան» և «Գարեգին Նժդեհ» մեդալներով, «ԽՍՀՄ զինված ուժերի 60-ամյակի հոբելյանի» և «ԽՍՀՄ զինված ուժերի 70-ամյակի հոբելյանի» կապակցությամբ մեդալներով, շնորհակալագրերով և պատվոգրերով։ Ունի «Վարդենիսի պատվավոր քաղաքացու» կոչում։
