Նիգերիայում ամբոխը Լինչի դատաստանի է ենթարկել դեռահաս աղջկան՝ կասկածելով նրանք ինքնապայթեցում իրականացնելու մտադրության մեջ, հաղորդում է Associated Press-ը:
Միջադեպը տեղի է ունեցել մարտի 1-ին, Բաուչի քաղաքում: Երկու աղջիկներ, որոնց հստակ տարիքը չի նշվում, հրաժարվել են զննում անցնել մթերային շուկա մտնելու ժամանակ: Ամբոխը բռնությամբ խուզարկել է աղջիկներից մեկին եւ նրա մարմնին ամրացված երկու շիշ գտել: Սակայն չի նշվում, թե արդյոք այդ շշերում պայթուցիկ նյութ է եղել, թե ոչ:
Շուկայի այցելուները աղջկան ծեծելով սպանել են, ապա նրա վրա անվադող են հագցրել, բենզին լցրել ու այրել: Երկրորդ աղջիկը կալանավորվել է, հաղորդում է Lenta-ն:
Տեղի ոստիկանությունը կասկածում է, որ մահացած աղջիկը մահապարտ էր, քանի որ նա չի պայթել, երբ ամբողջը հարձակվել է:
