Bloomberg պարբերականի փորձագետները կազմել են «դժբախտ տնտեսություններով» երկրների ցուցակը, որոնց համար այս տարին հատկապես ծանր է լինելու: Ցուցակը գլխավորում են Վենեսուելան եւ Արգենտինան: «Դժբախտ տնտեսություններով» երկրների տասնյակում տեղ են գտել հետեւյալ պետությունները. Հարավային Աֆրիկան, Հունաստանը, Ուկրաինան, Իսպանիան, Խորվաթիան, Ռուսաստանը, Թուրքիան, Պորտուգալիան, Իտալիան, Կոլումբիան, Բրազիլիան, Սլովակիան, Ինդոնեզիան, գրում է Gazeta-ն:
Bloomberg-ի փորձագետները վարկանիշային աղյուսյակը կազմելիս գնահատել են երկրներում գործազրկության մակարդակը, սղաճը եւ պետության մեծ պարտքերը: Արդյուքնում, ցուցակում հայտնվել է 15 երկիր, որոնց տնտեսությունները 2015թ. լուրջ հարվածներ են ստանալու:
