34 վայրկյան տեւողությամբ տեսանյութը, որտեղ օպոսումի ձագերը միրգ են ուտում, ոչ ոքի անտարբեր չի թողնի: Հոլովակը հրապարակվել է YouTube-ում:
Տեսանյութի հեղինակը գրել է, որ կենդանիներին նկարել է ամերիկյան Փենսիլվանիա նահանգի վայրի բնության վերականգնողական կենտրոնում: Վեց փոքրիկներ ակտիվորեն ծամում են կենտրոնի աշխատակիցների առաջարկած խաղողն ու խնձորները եւ կեցվածք ընդունում օպերատորի խցիկի առջեւ:
Ըստ Lifenews-ի, կենդանիների ձագերի պատկերող տեսանյութերը համացանցի օգտատերերի շրջանում մեծ տարածում են գտնում: Այսպես, օրերս Facebook-ում եւ YouTube-ում տարածված թռչող աղվեսի ձագի պատկերող տեսանյութը մի քանի օրվա ընթացքում ավելի քան 1 մլն դիտում է ունեցել:
