Փետրվարի 21-ին հաղորդվել էր 1985 թ. ծնված Արտաշես Ա.-ին, 1994 թ. ծնված Գեւորգ Ա.-ին եւ 1993 թ. ծնված Ցոլակ Հ.-ին բնակարանային գողություն կատարելու կասկածանքով ոստիկանության Արմավիրի բաժին բերման ենթարկելու մասին:
Ոստիկանության մամուլի ծառայությունից հայտնում են, որ ձեռնարկված միջոցառումների շնորհիվ պարզվել է նաեւ, որ վերջիններս 2014 թ. նոյեմբերին 1950 թ. ծնված Արտավազդ Օ.-ի տան բակում կայանված «ՄՏԶ-80» տրակտորից գողացել են վերջնամասի կցման թեւերը` պատճառելով մոտ 90.000 դրամի նյութական վնաս:
Պարզվել է նաեւ, որ նրանք փետրվարի 7-ին, ժամը 13.00-ից 14.00-ն ընկած ժամանակահատվածում, պատուհանի ապակին հանելով, մտել են 1941 թ. ծնված Մյասնիկ Մ.-ին պատկանող, Նալբանդյան գյուղում գտնվող տան ննջասենյակ եւ այնտեղից գողացել ռադիոընդունիչ, այնուհետեւ դռան փականը կոտրելով մտել են տանը կից օժանդակ շինություն եւ գողացել գինի ու օղի, ավտոմեքենայի փոխանցման տուփ եւ ջեռուցման համակարգ` շարժիչով, սրաքար` շարժիչով, պղնձյա մալուխ, կացին եւ սղոց` պատճառելով մոտ 100.000 դրամի նյութական վնաս:
Քննությունը շարունակվում է: