Հաճախակի սթրեսները, վատ տրամադրությունը կամ դեպրեսիան, չարությունն ու գրգռվածությունը բացասաբար են անդրադառնում ուղեղի այն հատվածի գործունեության վրա, որը պատասխանատու է հիշողության, ճանաչողական գործառույթի, աշխատանքի արդյունավետության եւ ստեղծագործական մտածողության համար:
Հիմնական պատճառներից մեկն այն է, որ ներքուստ լարված մարդիկ կառչում են հաճախ մտացածին խնդիրներին լուծում գտնելու մտքից:
Գիտնականները նաեւ ընդգծում են, որ լավ տրամադրությունը ոչ միշտ է նշանակում աշխատունակության բարելավում: Այս մասին են փաստում Տորոնտոյի համալսարանի գիտաշխատողների անցկացրած հետազոտության արդյունքները: Ամեն դեպքում, լավ տրամադրությունը բարձրացնում է ինքնատիպ եւ կրեատիվ գաղափարներ ստեղծելու մարդու ունակությունը:
Ըստ Heart4life-ի, հայտնի է, որ սթրեսը, նյարդային ապրումներն ու հոգեկան լարված իրավիճակը կարող են տիրել մարդուն՝ նրան զրկելով այդ ամենին այլ տեսանկյունից դիտելու հնարավորությունից: Սակայն վատ տրամադրությանը եւ անօգուտ ապրումներին տրվելու դեպքում խնդիրներին լուծում գտնելն ավելի դժվար է դառնում: Այդ պատճառով, հաշվի առեք, որ միայն լավ տրամադրությամբ եւ ինքնազգացողությամբ կարող ենք մոտենալ մեր նպատակների իրականացմանը եւ ստեղծագործ գաղափարներ ծնել: