Նյու Յորք նահանգի դատարանը 27-ամյա Լայսի Սփիրսին մեղավոր է ճանաչել իր 5-ամյա որդուն սպանելու մեջ: Երեխան մահացել է աղից թունավորվելու հետեւանքով, եւ դատախազները կնոջ գործողությունները որպես «կտտանք» են որակել: Երդվյալ ատենակալները Սփիրսին առավելագույն՝ 25 տարվա ազատազրկման են դատապարտել:
Ըստ Americaru-ի, 5-ամյա Գարեթ Սփիրսն անցյալ տարվա հունվարին տեղափոխվել էր հիվանդանոց՝ օրգանիզմում անբացատրելի եւ վտանգավոր բարձր մակարդակի նատրիումի պարունակությամբ: Մի քանի օր անց տղան մահացել է: Մորը մեղադրել են երեխայի սննդի մեջ մշտապես մեծ քանակությամբ աղ ավելացնելու եւ նրան մշտական տանջանքների ենթարկելու մեջ:
«Բոլոր 5 տարիների ընթացքում Գարեթ Սփիրսը մշտապես հոսպիտալացվում էր, մի քանի վիրահատության է ենթարկվել եւ, ի վերջո, աղից մահացու թունավորում է ստացել մի մարդու ձեռքից, ով պետք է նրա պաշտպանը լիներ: Մայրը երեխայի հիվանդությունն օգտագործել է հարստանալու նպատակով, բայց նրան գործողությունները հանգեցրել են սեփական երեխայի մահվան»,- հայտարարելէ շրջանայն դատախազ Ջանեթ Դի Ֆիորեն:
