Ղազախստանի իրավապահ մարմինները հետաքննում են Ակթաու քաղաքում ինքնասպանության զանգվածային փորձի հանգամանքները, հաղորդում է «Լադա» գործակալությունը։

Ակթաուի քոլեջներից մեկի հինգ ուսանողուհիներ, որոնք բնակվում էին նույն բնակարանում, պարացետամոլի 50-ական հաբ են խմել։ Նրանց բոլոր տեղափոխել են հիվանդանոց, որտեղ ստամոքսի լվացում են արել եւ ուղարկել տուն։

Պարզվել է, որ ուսանողուհիներից մեկը կռվել է ընկերոջ հետ եւ որոշել ինքնասպան լինել։ Մյուսները, ի նշան համերաշխության, եւս հաբեր են խմել։

Դպրոցի տնօրենը պատմել է, որ նրանց ինքնասպանության կարող էր մղել ամուսնացած աղջկա մայրը։ Դեպքի օրը անհայտ կինը ներխուժել է բնակարան, բղավել, որ աուլում խայտառակ է անելու բոլորին։ Ներկայումս գործը կարճվել է ապացույցների անբավարարության պատճառով։