Մարտունու բժշկական կենտրոն մարտի 2-ին տեղափոխված՝ Ծովասար համայնքի 4 բնակիչների մոտ սննդային թունավորում չի հայտնաբերվել:
Ինչպես հայտնում է ԳՆ սննդամթերքի անվտանգության պետական ծառայության մամուլի ծառայությունից, մարտի 2-ին հիվանդանոցից ոստիկանության Մարտունու բաժին հաղորդում է ստացվել, որ «սուր էկզոգեն թունավորում» ախտորոշմամբ Մարտունու բժշկական կենտրոն են տեղափոխվել Ծովասար համայնքի 4 բնակիչներ:
ՍԱՊԾ աշխատակազմի Գեղարքունիքի մարզային կենտրոնի աշխատակիցները, փաստը հայտնի դառնալուց անմիջապես հետո, պարզել են պատահարի հանգամանքները: Ըստ այդմ՝ նշված հիվանդների մոտ սննդային թունավորում չի ախտորոշվել:
Նրանք համապատասխան բուժօգնություն ստանալուց հետո դուրս են գրվել բժշկական կենտրոնից բավարար առողջական վիճակում:
