Արմավիրի քաղաքապետի ընտրություններում առաջադրված թեկնածուներից եւս երեքը ինքնաբացարկ են հայտարարել: NEWS.am-ը Կենտրոնական ընտրական հանձնաժողովից տեղեկացավ, որ այս պահի դրությամբ մնացել են երկու թեկնածուներ՝ Արմավիրի գործող քաղաքապետ, Ռուբեն Հայրապետյանի խնամի Ռուբեն Խլղաթյանը եւ ՀՀԿ-ական, Արմավիրի մարզպետի օգնական Նվեր Պետրոսյանը։ Այս պահի դրությամբ ինքնաբացարկ են ներկայացրել քաղաքապետի տեղակալ Մելիք Բաղդասարյանը, անկուսակցական Էդվարդ Վարդումյանը եւ ՀՀԿ-ական պատգամավոր Նահապետ Գեւորգյանի՝ Նովոյի անկուսակցական որդին Արտակ Գեւորգյանը, ով պարբերաբար հայտնվում է սկանդալների կենտրոնում:
Ավելի վաղ ինքնաբացարկ էր ներկայացրել նաեւ «Պարիտետ Ինվեստ» ընկերության գլխավոր տնօրեն, ՀՀԿ անդամ Մանուկ Սիմոնյանը:
Ի դեպ, ինքնաբացարկի մասին դիմում կարող են ներկայացնել մինչեւ մարտի 5-ը, ժամը 18-ը: Նախընտրական քարոզչությունը անց է կացվելու փետրվարի 25-ից մարտի 13-ը, իսկ ընտրությունները կայանալու են մարտի 15-ին:
