Բրազիլիայի դատախազությունը մարտի 3-ին դիմել է երկրի Գերագույն դատարանին՝ խնդրելով միանգամից 54 քաղաքական գործիչների ներգրավել պետական էներգետիկ հսկա Petrobras ընկերությունում կոռուպցիայի գործին: Այս մասին հայտարարել է Բրազիլիայի գլխավոր դատախազության ներկայացուցիչը, հաղրոդում է «ՌԻԱ նովոստին»:
Նախորդ տարի հայտնի է դարձել, որ մի շարք ֆունկցիոներներ ընկերության անունից՝ պայմանագրեր են կնքել եւ դրա դիմաց ընդհանուր գումարի 3 տոկոսի չափով միջնորդավճար ստացել: Այդ միջոցները հետագայում օգտագործվել են քաղաքական գործիչների ու պաշտոնատար անձանց կաշառելու համար:
Իշխանությունների տվյալներով՝ գների բարձրացումը եւ կաշառքներն այդ գաղափարի հեղինակներին մոտ 10 մլրդ ռեալի (մոտ 3,8 մլրդ դոլար) եկամուտ են բերել:
Ընդհանուր առմամբ հետաքննություն սկսելու 28 հայտ եւ արխիվից 7 գործեր կան, որոնք վերաբերում են 54 քաղաքական գործիչների:
