Ղազախստանում 5 քաղաքացիներ դիմել են երկրի ԿԸՀ՝ իրենց թեկնածությունն առաջադրելով նախագահական ընտրություններում: Այս մասին հաղորդում են Ղազախստանի ԿԸՀ-ից:
Այս պահին ընտրարշավի ընթացքում 5 թեկնածու է առաջադրվել, որոնցից մեկը կին է, հաղորդում է ՏԱՍՍ-ը:
Ինքնաառաջադրման իրավունքից օգտվել են Ասքար Սիրգաբաեւը, Սաֆիոլա Ալդաժանովը, Լիմանա Կոյշիեւան, Բահըթ Աբդուքարիմովը, Սուհրաբ Ամինժանովիչը: Դիտորդները նշում են, որ վերը նշված քաղաքացիների անունները լայն հասարակությանն անհայտ են, նրանք կառավարությունում բարձր պաշտոններ չեն զբաղեցրել:
ԿԸՀ-ում նշել են, որ առաջիկա 5 օրերի ընթացքում հանձնաժողովը պետք է պարզի, թե նրանց ներկայացրած փաստաթղթերը որքանով են համապատասխանում նախագահի թեկնածուներին առաջադրվող պահանջներին: