Բոսթոնի դաշնային դատարանում ավարտվել է Ջոհար Ցարնաեւի գործով դատավարության ատենակալների ընտրության ընթացակարգը: Ցարնաեւը մեղադրվում է 2013-ի ապրիլի 15-ին Բոսթոնի մարաթոնում պայթյունների կազմակերպմանն առնչություն ունենալու մեջ:
Կոլեգիայի կազմում ընդգրկվել է 9 կին եւ 8 տղամարդ: Նրանցից երկուսը սոցիալական աշխատող է, երկուսը՝ թոշակառու, մեկական ներկարար, ջրամատակարարման դեպարտամենտի աշխատակից, բուժքույր, ռեստորանի կառավարիչ, ուսանող, գործազուրկ, հեռուստահողորակցության համակարգերի ճարտարագետ, երկու ասիստենտ, հաղորդում է BBC_ի ռուսական ծառայությունը:
1370 մարդկանց շարքից նրանց ընտրությունը սկսվել է 2015-ի հունվարից:
Այսօր նրանք երդում կտան եւ կսկսվի դատական գործընթացը: 21-ամյա Ցարնաեւը մեղադրվում է 30 հոդվածներով: Մեղավոր ճանաչվելու դեպքում նրան մահապատիժ կամ ցմահ ազատազրկում է սպառնում: