ՌԴ Կրասնոդարի երկրամասի Աբինսկ քաղաքում դատարանը ծայրահեղական է ճանաչել «Եհովայի վկաներ» կրոնական կազմակերպությունը։ Այս մասին հայտնում է «Ինտերֆաքս»-ը։
«Աբինսկ քաղաքում «Եհովայի վկաներ» կրոնական կազմակերպությունը ճանաչել ծայրահեղական, լուծարել եւ հեռացնել այն իրավաբանական անձանց պետական գրանցամատյաններից, իսկ կազմակերպության գույքը հանձնել պետությանը»,- ասված է դատարանի որոշման մեջ։
Նշվում է գործ հարուցելու համար հիմք է հանդիսացել «Մարդկությունը Աստծուն փնտրելիս», «Ի՞նչ է իրականում ուսուցանում Աստվածաշունչը» եւ «Աստվածաշունչ. Մարդու՞, թե՞ Աստծու խոսք» գրքերի տարածումը, որոնք ընդգրկված են ծայրահեղական գրականության ցուցակում։
