«Իսլամական պետություն» ծայրահեղական խմբավորման նախկին կին անդամը հայտարարել է, որ բրիտանուհիներին հավաքագրում են «հմայիչ զինյալները»: Այս մասին գրում է The Independent-ը:
Այշա կեղծանվամբ 20-ամյա աղջկա խոսքով, զինյալներից մեկն իր հետ Facebook-ով կապ է հաստատել, երբ ինքը 16-17 տարեկան էր: Երիտասարդն ասել է, որ նա շատ գրավիչ է, եւ վստահեցրեց, որ աղջիկը պետք է ծածկի իր գեղեցկությունը, քանի որ այն թանկարժեք է:
«Լինելով դեռահաս՝ ես ցանկանում էի գեղեցիկ երիտասարդի գտնել եւ դիտեցի YouTube-ում տեղադրված բոլոր տեսանյութերը: Անհասկանալի պատճառներով, նրանք բոլոր էին չափազանց գրավիչ էին»,- հիշողություններն է պատմել Այշան:
Աղջկա կարծիքով, դա բրիտանուհիներին «Իսլամական պետության» շարքերը հավաքագրելու ամենագործուն միջոցն է:
Gazeta-ի փոխանցմամբ, ջիհադականներն ակտիվորեն գրավում են աղջիկներին, այդ թվում՝ Սիրիայից եւ Մեծ Բրիտանիայից, որպեսզի նրանք ամուսնանան զինյալների հետ: Սակայն դա աղջիկների համար սեռական ստրկություն է նշանակում: