Չեչնիայի նախագահ Ռամզան Կադիրովն ու ռեփեր Տիմատին հրաժարվել են  Apple ընկերության բջջային հեռախոսներից եւ սկսել են օգտվել YotaPhone-ի սմարթֆոններից։ Այս մասին Կադիրովը գրել է սոցիալական ցանցերում։

«Ես ավելի վաղ գրել էի, որ մտադիր եմ հրաժարվել iPhone-ից։ Այս ընթացքում ես ուսումնասիրել են  YotaPhone-ը։ Այսօր ինձ այցելեց իմ ընկեր Տիմատին, եւ ես նրան նվիրեցի այդ հեռախոսից։ Այսուհետ մենք օգտվելու ենք միայն մեր հայրենական YotaPhone-ից։ Այն հարմար է օգտագործելու համար, ունի գեղեցիկ դիզայն եւ կարեւորը՝ ռուսական արտադրության է»,- գրել է չեչեն առաջնորդը, մեջբերում է ՏԱՍՍ-ը։

Անցյալ տարվա նոյեմբերին Կադիրովը ձեռք էր բերել YotaPhone 2 հեռախոս ու բոլորին կոչ արել հրաժարվել iPhone-ից։