Բուլղարիայի վարչապետ Բոյկո Բորիսովը հայտարարել է, որ կառավարությունը ցանկանում է վերականգնել Nabucco գազատարի շինարարության աշխատանքները եւ տարանցիկ ճանապարհով գազ մատակարարել Ադրբեջանից Եվրոպա։ Այս մասին գրում է Agence France-Presse-ը։
«Բուլղարիան ցանկանում է վերականգնել Nabucco նախագիծը կամ ավելի շուտ TANAP գազատարից սկսվող նրա մի մասը եւ Բուլղարիայի տարածքով անցնող Nabucco-ի արեւմտյան մասը»,- մեջբերում է վարչապետի հայտարարությունը Gazeta-ն։
Նրա խոսքով՝ Ադրբեջանից Եվրոպա գազ մատակարարելու հնարավորություն գոյություն ունի։ Մոտ ժամանակներս Եվրահանձնաժողովի հետ այս հարցով բանակցություններ կընթանան։
Nabucco West նախագիծը նախատեսում է 1.3 հազար կմ երկարությամբ գազատար կառուցել Ադրբեջանի Շահդենիզ-2 հանքավայրից մինչեւ Եվրոպա՝ շրջանցելով Ռուսաստանը՝ անցնելով Ադրբեջանով, Վրաստանով, Թուրքիայով, Բուլղարիաով, Հունգարիայով, Ռումինիայով եւ Ավստրիայով։