Երեւանում, այսօր՝ մարտի 5-ին, մեկնարկել է ԲՀԿ արտահերթ համագումարը, որի ընթացքում, ըստ շրջանառվող տեղեկությունների, Գագիկ Ծառուկյանը կհրաժարվի կուսակցության նախագահի պաշտոնից:
Սպասվում է նաեւ ԲՀԿ նոր ղեկավարի ընտրություն. Այս պաշտոնի համար շրջանառվում է ԲՀԿ խմբակցության քարտուղար Նաիրա Զոհրաբյանի անունը, սակայն չի բացառվում նաեւ, որ այլ թեկնածություններ լինեն:
Ինչպես հաղորդում է NEWS.am-ի թղթակիցը, ԲՀԿ անդամները հրաժարվում են պատասխանել լրագրողների հարցերին եւ տեղեկություն չեն տվել համագումարի օրակարգի վերաբերյալ:
Լրագրողներին թույլ չեն տալիս մտնել ներս, համագումարը տեղի է ունենում փակ ռեժիմով: Կուսակցության մամուլի ծառայությունից եւս ոչ ոք չի մոտեցել լրագրողներին: