2014թ. Beeline-ը Հայաստանում ավելի քան 50 բարեգործական ակցիա է կազմակերպել։ Այս մասին լրագրողներին մարտի 5-ին հայտարարեց «ԱրմենՏել»-ի (Beeline ապրանքանիշ) գլխավոր տնօրեն Անդրեյ Պյատախինը ներկայացնելով 2014թ. ընկերության արդյունքները։
«Մենք աջակցում ենք բոլոր այն նախագծերին, որոնք Հայաստանում կյանքը դեպի լավն են փոխում։ Տարվա ընթացքում մենք տարբեր քաղաքներ ենք այցելել, օգնել երեխաներին եւ մեծահասակներին։ Շատ կարեւոր է, որ հիմնականում մենք մեկնել ենք երկրի տարբեր մարզեր։ Այս տարի մեր խնդիրն է աջակցել բոլոր այն նախագծերին, որոնք բարելավում են կյանքը հենց շրջաններում»,- ընդգծել է Պյատախինը։
«ԱրմենՏել»-ը Հայաստանի հեռահաղորդակցման կապի օպերատորներից եւ խոշոր հարկատուներից մեկն է։
