Թուրքիայի ազգային արժույթի փոխարժեքը կրկին նվազել է՝ հասնելով 2,6 թուրքական լիրայի մեկ դոլարի համար, վկայում են Ստամբուլի ֆոնդային բորսայի տվյալները։

Անցած շաբաթ Թուրքիայի Կենտրոնական բանկը որոշում է կայացրել առանցքային դրույքաչափը 7,75%-ից 7,5% նվազեցնելու վերաբերյալ։ Թուրքիայի նախագահ Ռեջեփ Թայիփ Էրդողանը դա անբավարար է համարել եւ քննադատել Կենտրոնական բանկը՝ կոչ անելով դրույքաչափի հետագա նվազեցման։