Ինգուշիայի ղեկավար Յունուս Բեկ Եվկուրովը հայտարարել է, որ մտադիր է կոռուպցիայի դեմ պայքարի շրջանակներում պաշտոնյաներին ստուգել ստի դետեկտորի միջոցով: Այս մասին նա գրել թե Facebook-ի իր էջում:
«Սկզբում ստի դետեկտորով ստուգում կանցնեն նախարարությունների ու գերատեսչությունների տասնյակ ղեկավարներ, որոնք պաշտոններ են զբաղեցնում կոռուպցիոն ռիսկեր պարունակող հաստատություններում: Կոռուպցիածին պաշտոնների ցանկը մշակվել է հանրապետության կառավարությունում»,-ասված է հաղորդագրությունում:
Եվկուրովը հավելել է, որ այն հաջողություն ունենալու դեպքում, ստուգում կանցնեն նաեւ պետական կառույցներում պաշտոնների հավակնություն ունեցողները: