Բանգլադեշի հյուսիս-արեւելքում գտնվող Սուլթանհանժ քաղաքում անցյալ գիշեր ցուցարարները ուղեւորատար ավտոբուս են այրել, ինչի հետեւանքով զոհվել է առնվազն 11 մարդ, եւս 7-ը լուրջ այրվածքներ են ստացել։
Երկրում զանգվածային անկարգություններ ու ցույցերը շարունակվում են այն բանից հետո, երբ մարտի 4-ին մայրաքաղաքային դատարանը ուժի մեջ էր թողել ընդդիմադիր՝ Բանգլադեշի ազգայնական կուսակցության առաջնորդ, երկրի նախկին վարչապետ Բեգում Խալեդա Զիայի կալանքի որոշումը, որին մեղադրում են կաշառակերության մեջ։ Վերջին մի քանի օրվա ընթացքում ցուցարարները այրել են 2 տասնյակից ավել փոխադրամիջոցներ, տեղեկացնում է ՏԱՍՍ-ը։
Զիայի կալանավորման որոշումը կայացվելէ ր այն բանից հետո, երբ նա չէր ներկայացել դատական նիստին։ Նրան մեղադրում են 600 հազար դոլարի չափով պետական գումարներ յուրացնելու մեջ։
